mere humnafas mere hamnava, mujhe dost banke daga na de.
main hu dard-e-ishq se jaan-ba-lab, mujhe zindagi ki dua na de.
mere daag-e-dil se hai raushani, issi raushani se hai zindagi.
mujhe dar hai aye mere chaaragar, ye charaagh tu hi bujha na de.
mujhe chhod de mere haal par, tera kya bharosa hai charagar?
ye teri navazish-e-mukhtasar mera dard aur badha na de.
mera azm itna buland hai ki, parae sholon ka darr nahi.
mujhe khauf aatish-e-ghul se hai, ye kahin chaman ko jala na de.
voh uthe hein leke khum-o-subu, arre o shakeel kahan hai tu?
tera jaam lene ko bazm mein, koi aur haath badha na de.
